Noticias‎ > ‎

Un ouro e dúas pratas no Galego Absoluto de Conxuntos

publicado a la‎(s)‎ 2 nov. 2014 4:12 por carmen blanco

O sábado día 1 de novembro, no Pavillón da Malata de Ferrol, os nosos catro conxuntos deron mostras de gran calidade, logrando, no caso da categoría alevín e junior, darlle a volta e remontar as clasificacións da primeira fase.

Foi na categoría alevín na que ofreceron as mellores actuacións, que colocaron ó conxunto do Club Ximnasia Escola Pavillón como subcampionas galegas. As nosas peques alevíns, todas elas de primeiro ano de alevín, foron quintas, logrando a clasificación para o nacional e deron mostras nas dúas xornadas de competición dunha gran regularidade.

Na categoría infantil fomos tamén subcampionas e na categoría junior as nosas ximnastatas acadaron o primeiro posto.

Esta xornada pecha os campionatos autonómicos de conxuntos de base e absolutos, logrando as nosas ximnastas un total de tres ouros e dúas pratas. A tempada de conxuntos terá a súa continuación en sendos nacionais, nos que trataremos de mellorar a calidade dos nosos exercicios limando os erros habidos nos galegos.

Adestradoras, ximnastas e todo o club, estamos moi orgullosos desta parte da tempada que está sendo a mellor do club de toda a súa historia. Pero non podemos baixar a guardia porque o resto de conxuntos galegos están mostrando tamén a súa melloría na competición.

Parabéns a todos os conxuntos galegos e sobre todo as nosas ximnastas¡¡¡
Comments