Campionato de España Individual categoría Infantil

Os días 9, 10 e 11 de xuño estivemos en Guadalajara co noso equipo infantil. Neses tres días puidemos comprobar como o nivel da ximnasia rítmica galega segue en ascenso e tamén o nivel da ximnasia rítmica nacional.  Lucía, coas mazas, foi a primeira en competir e tanto ela como Rebeca, en cinta, realizaron os seus exercicios con moita templanza e tan só erraron con pequenas imprecisións. María e Sabela vironse afectadas polos nervios e os seus exercicios de aro e pelota non luciron como outras veces. Aínda así as nosas catro ximnastas colocaron o club no posto 42 dos 59 participantes na competición.  Parabéns para as catro porque tan só conseguir a clasificación para este nacional non foi tarefa doada.  Toca agora comezar con moita ilusión a preparación do conxunto infantil para estas ximnastas.